گۆرانی بۆ خوداوەند بلێن گۆرانیەکی نوێ
چونکە کاری سەرسورهێنەری کردووە
دەستە ڕاست وبازووی پیرۆزی،
سەرکەوتنیان بۆ بەدەست هێناوە
خوداوەند ڕزگاریی خۆی ڕاگەیاند،
ڕاست ودروستیەکەی بۆ گەلان دەرخست.
خۆشەویستییە بێ سنورەکەی ودڵسۆزییەکەی،
بە یاد هێنایەوە بۆ ماڵی ئیسرائیل.
هەموو زەوی تا ئەو پەڕی دونیا، ڕزگاری خودای ئێمەیان بینی
ئەی سەراپای زەوی هاواری شادی بۆ خوداوەند بکەن،
بە دەنگی بەرز گۆرانی بلێن وهەڵهەلە لێ بدەن.
بە قیسارە گۆرانی بۆ خوداوەند بلێن، بە قیسارە ودەنگی گۆرانی.
بە زوڕنا ودەنگی کەڕەنا، هاواری شادی بکەن بەرامبەر بە خوداوەندی پاشا.
با دەریا وهەر چی تیایەتی، با جیهان ودانیشتوانی بگرمێنن.
با ڕووبارەکان چەپڵە لێ بدەن وهەموو چیاکان هەڵهەلە لێ بدەن.
لە بەردەم خوداوەند، چونکە دێت تا دادوەری زەوی بکات،
دادوەری جیهان دەکات بە ڕاست ودروستی، گەلانیش بەڕێکی. (زەبووری 98)
Goranî bo Xudawend billên goranîyekî nwê
Çunke karî sersurhênerî kirdûe
Deste řast û bazûy pîrozî,
Serkewtinyan bo bedest hênawe
Xudawend řizgarîy xoy řageyand,
Řast û drustîyekey bo gelan derxist.
Xoşewîstîye bê sinûrekey û diĺsozîyekey,
Be yad hênayewe bo maĺî Îsraîl.
Hemû zewî ta ew peŕî dunya, řizgarî Xuday êmeyan bînî
Eyi serapay zewî hawarî şadî bo Xudawend biken,
Be dengî berz goranî billên û heĺhele lê biden.
Be qîsare goranî bo Xudawend billên, be qîsare û dengî goranî.
Be zuŕna û dengî keŕena, hawarî şadî biken beramber be Xudawendî paşa.
Ba derya û her çi tiyayetî, ba cîhan û danîştiwanî bigirmênin.
Ba řûbarekan çeple lê biden û hemû çiyakan heĺhele lê biden.
Le berdem Xudawend, çunke dêt ta dadwerî zewî bikat,
Dadwerî cîhan dekat be řast û drustî, gelanîş beŕêkî. (Zebûrî 98)